Nga Dori Xhima
Një valë videosh intime po qarkullojnë në rrjete sociale dhe veçanërisht në WhatsApp prej mbrëmjes së 29 shtatorit. Filmimet përfshijnë persona të njohur nga bota e artit dhe spektaklit në Tiranë dhe kanë shkaktuar një ilaritet të madh publik.
Me të drejtë është bërë thirrje që çështja duhet trajtuar me shumë më tepër kujdes dhe jo me gjuhën e kronikës rozë.
Policia e Tiranës ka njoftuar se ka nisur hetimet kryesisht pas publikimit dhe shpërndarjes së këtyre materialeve në rrjete sociale dhe në platforma online. Sektori për Hetimin e Krimeve Kibernetike po punon për identifikimin e adresave IP dhe të dhënave të tjera të faqeve dhe profileve që kanë publikuar materialet. Paralelisht, ka nisur një procedurë për heqjen e tyre nga platformat ku janë publikuar.
Po kush i ka regjistruar këto materiale, me dijeninë e kujt janë regjistruar, si kanë dalë nga ambienti ku janë krijuar dhe kush i ka shpërndarë?
Në qendër të skandalit është kompozitori Adrian Hila, emri i të cilit është lidhur me ambientin ku janë realizuar një pjesë e materialeve. Sfondi i ambjentit është i njëjtë në të gjithë filmimet dhe i përket Hilës. Një element që kërkon vëmendje të veçantë është një fragment që disponohet nga redaksia. Në të shfaqet Hila në këtë ambjent me një person tjetër, të dy të zhveshur.
Në një moment, ky person duket se vëren pajisjen që po regjistron.
Hila dëgjohet duke i dhënë një shpjegim për pajisjen, duke e paraqitur atë si pjesë të një sistemi alarmi. “Eshte alarm Demo, per koke te… Une ketu fle me gocen” – janë fjalët e tij.
Kjo do të thotë se Hila i ka filmuar vetë videot.
Në materialet që kanë qarkulluar shfaqen persona të njohur të skenës dhe artit shqiptar, si Monika Lubonja, Eli Fara, Egzona Ademi dhe të tjerë, jeta publike e të cilëve është cënuar rëndë nga këto video.
Si dolën videot nga ai ambjent është ndoshta pyetja më e rëndësishme e gjithë historisë. Në çfarë momenti ato kanë dalë jashtë asaj dhome ku Hila ka vendosur pajisjen për të regjistruar veten dhe personat e tjerë të përfshirë në akte seksuale?
Në ditët e fundit në Tiranë kanë qarkulluar pretendime për marrjen e kontrollit të disa profileve në WhatsApp dhe kërkesa për shuma parash ndaj përdoruesve-viktima. Për momentin nuk ka një provë publike që këto episode lidhen drejtpërdrejt me videot.
Ka qarkulluar edhe një tjetër hipotezë: se përhapja masive e materialeve intime mund të shërbejë për të krijuar një “inflacion” skandalesh dhe për të zbehur vëmendjen nga materiale të tjera të përfolura në lidhje me dosjen e Ergys Agasit dhe hetimet mbi AKSHI-n. Kjo mbetet hipotezë dhe jo fakt i provuar.
Duket se Hila ka veoruar si dikur i ndjeri Dritan Prifti. Rasti i Priftit tregon se regjistrimet private mund të përfundojnë në qendër të një historie politike dhe mediatike shumë më të madhe se vetë përmbajtja e tyre.
Në vitin 2015 u publikuan në media materiale intime që lidheshin me ish-ministrin Prifti. Në atë kohë, Prokuroria kishte marrë prej tij laptopin, një orë-kamerë dhe një USB në kuadër të hetimit të materialeve korruptive si akuza për Ilir Metën. Gjatë kontrollit për origjinën e këtyre filmimeve u zbuluan edhe video me karakter intim që Prifti i kishte xhiruar vetë dhe kishte kujtuar se i kishte fshirë.
DITA
