Kuvendi do të marrë sot vendimin për përjashtimin ose jo të katër deputetëve të Partis Demokratike, mes tyre dhe kryedemokrati Sali Berisha.
Vendimi do të merret në mbledhjen e Sekretariatit të Etikës që nis në orën 14:00.
Në këtë mbledhje do të shqyrtohet kërkesa e bërë nga maxhoranca për përjashtimin e kryedemokratit Sali Berisha, Sekretarit të Përgjithshëm Flamur Noka dhe deputetëve Belind Këlliçi e Edi Paloka.
Maxhoranca kërkoi përjashtimin e tyre me 10 ditë pas përplasjeve të ndodhur në seancën plenare të 13 shkurtit. Ndërkohë që Opozita protestonte jashtë Kuvendit, Berisha dhe deputetët bllokuan foltoren e u përplasën me socialistët.
Gjithsesi, opozita është shprehur se do të mbajë një tjetër protestë në seancën plenare që pritet të zhvillohet ditën e enjte, në orën 10:00.
j.l./ dita
