“BKH i gjeti sasi lekësh në banesë…” Evis Berberi jep dorëheqjen nga ARRSH, ja përse po hetohet nga SPAK njeriu i besuar i Ballukut

Drejtori i Autoritetit Rrugor Shqiptar, Evis Berberi ka dhënë dorëheqjen.

Sipas mediave, Berberi ka dhënë dorëheqjen para pak ditësh, ndonëse ende nuk ka një komunikim zyrtar nga ai.

Dorëheqja ka ardhur pasi SPAK ka nisur rreth dy javë më parë një hetim ndaj Berberit për çështjen e shitjes së një kompanie në vitin 2018.

Ndërkohë, në momentin kur SPAK vendosi hapjen e hetimeve për njeriun e besuar të Belinda Ballukut, një skuadër e Byrosë Kombëtare të Hetimit ka zbarkuar para dy javësh për të ushtruar kontrolle në banesën e Berberit.

Sipas raportimeve mediatike, Berberi i janë gjetur një sasi e konsiderueshme parash cash.

Veç kontrollit në banesë, hetuesit e BKH kanë sekuestruar edhe telefonin e ish-ortakut të tij, Valter Begaj, me të cilin kreu i ARRSH-së ka patur marrëdhënie të ngushta financiare, jo vetëm në pozita private.

Për çfarë po hetohet njeriu i besuar i Ballukut?

Në shtator të vitit 2018, biznesmeni Valter Begaj i shet kompaninë DAAM shtetasit Evis Berberi për 800 euro.

Drejtori i ARRSH i jep tendera kompanisë së tij. Lidhja e Berberit me DAAM sh.p.k dhe mbyllja e syve të SPAK përballë një mega-skandali

Vetëm katër muaj më vonë, në janar të viti 2019 kur u emëruar këshilltar i ministres së Energjisë, Evis Berberi e shiti kompaninë tek një person tjetër për plot 500 mijë euro.

Pak kohë më vonë kompania u ble sërish nga Valter Begaj, këtë herë për 1.7 milionë euro. Karuzel i parave me kompaninë DAAM ishte indicia që vuri nën hetim kreun e ARRSH-së. Por tashmë ai duhet të përgjigjet dhe për fakte të tjera që prokurorët e SPAK kanë gjetur nga hetimet.

Evis Berberi është një nga njerëzit më të besuar të zëvendëskryeministres Belinda Balluku. Sapo Balluku mori postin e ministres së infrastrukturës e emëeroi Berberi si këshilltar të saj dhe më pas e katapultoi atë fillimisht në krye të Agjencisë së Energjisë dhe më pas në drejtor të ARRSH-së, një nga portofolet më të rënda financiare të qeverisë.

Berberi ka qenë shpeshherë i akuzuar tenderët e ARRSH.

Autoriteti Rrugor Shqiptar ka shpallur mbi 100 tendera me një vlerë totale prej të paktën 710 milionë eurosh që prej vitit 2021, kohë kur ky institucion u mor në drejtim prej Evis Berberit.

Të dhënat e Open Data Albania tregojnë se në të paktën 90 nga 100 tenderat e hapur gjatë kësaj periudhe prej Autoritetit Rrugor Shqiptar, ka pasur parregullësi.

Open Data klasifikon me flamur të kuq në total 95 procedura prokurimi publik të Autoritetit Rrugor Shqiptar në tre vitet e drejtimit të Berberit.

n. s. / dita