Është regjistruar një pamje që ka mahnitur biologët dhe dashamirët e natyrës: një lincë iberike e bardhë, e përshkruar nga mediat si “fantazma e pyllit mesdhetar”.
Pamjet janë realizuar nga fotografi i natyrës Ángel Hidalgo, i cili arriti ta filmonte kafshën teksa lëvizte në një zonë të mbrojtur në jug të Spanjës.
Linca iberike (Lynx pardinus) është një nga speciet më të rrezikuara në Evropë, me vetëm disa ekzemplarë të mbetur në natyrë.
Varianti i bardhë, që mendohet të jetë rezultat i një mutacioni gjenetik të rrallë, nuk ishte dokumentuar kurrë më parë me kaq qartësi, raporton gazeta Dita.
Ekspertët thonë se ngjyra e pazakontë mund të lidhet me një fenomen që redukton pigmentin në lëkurë dhe qime, por nuk e bën kafshën plotësisht albino. Kjo e bën individin e regjistruar një rast unik në të gjithë Gadishullin Iberik.
Pamjet, tashmë të shpërndara gjerësisht nga mediat spanjolle, po konsiderohen një ngjarje e rrallë shkencore dhe një kujtesë e magjisë së pyjeve mesdhetare, ku edhe sot natyra arrin të ruajë misteret e saj më të bukura.
Po ku la krijese pa cfarrosur njeriu?
Në shqip X = iks jo C dmth Lynks jo Lincë o shoku gazetar