Këshilltarët e Partisë Socialiste në Këshillin Bashkiak të Tiranës do të mblidhen sot në selinë qendrore të PS, ku do të diskutojnë procedurat për shkarkimin e ish-kryetarit të Bashkisë, Erion Veliaj.
Mbledhja vjen në vijim të kërkesës së kryeministrit Edi Rama, i cili i ka kërkuar zyrtarisht Këshillit Bashkiak të nisë procedurat për largimin e Veliajt nga posti, pasi që prej 10 shkurtit Tirana është pa kryetar, për shkak të arrestit të ish-kryebashkiakut.
Pritet që gjatë takimit të trajtohen hapat ligjorë dhe institucionalë që duhet të ndiqen për zbatimin e kërkesës së kryeministrit Rama, gjatë fjalës së tij në Asamblenë e PS-së, më 11 shtator.
j.l./ dita
Mos e paraqisni si vendim të Ramës, kur është vendim i Prokurorisë për t’a gjykuar sipas akuzave të saj! Deri sa nuk kishte një akuzë nga Prokuroria, Rama nuk mund ta shkarkonte, me të dalë akuza, Rama është i detyruar që të bëjë zgjedhje të reja. Kështu funksionon në një Shtet Ligjor. Është një veprim Ligjor dhe jo politik, sikurse e parasni ju.