Administrata Amerikane e Ushqimit dhe Barnave (FDA) miratoi të premten një ilaç të ri që duket se ngadalëson përparimin e sëmundjes Alzheimer. FDA tha se Leqembi – i njohur kimikisht si lecanemab – do t’u jepet pacientëve me faza të lehta ose të hershme të sëmundjes së përkeqësimit të trurit.
Ilaçi është i pari i këtij lloji që u tregon bindshëm studiuesve se mund të ngadalësojë rënien e kujtesës dhe të të menduarit. Ilaçi pritet të kushtojë rreth 25,000 dollarë në vit për një pacient të vetëm, tha për NBC News Ivan Cheung, kryetar dhe CEO i Eisai në Shtetet e Bashkuara të Amerikës.
Agjencia tha se vendimi i saj bazohej në një provë të 856 pacientëve me Alzheimer. Në fund të shtatorit, Eisai dhe Biogen, kompanitë që zhvilluan ilaçin, njoftuan se një provë klinike e fazës 3 me 1,795 pacientë zbuloi se Leqembi ngadalësoi rënien njohëse te njerëzit që e morën atë me 27% pas 18 muajsh.
“Ky ilaç nuk është një kurë. Nuk i ndalon njerëzit të përkeqësohen, por ngadalëson në mënyrë të matshme përparimin e sëmundjes”, tha neurologu Joy Snider në një intervistë për NBC. “Kjo mund të nënkuptojë se dikush mund të ketë gjashtë muaj deri në një vit shtesë për të ngarë makinën.”
Ekspertët mjekësorë thanë se ilaçi vjen me anë negative, duke përfshirë efektet anësore të mundshme si ënjtja e trurit dhe nevoja për infuzione dy herë në muaj. Sfida në marrjen e ilaçit te pacientët është pengesa e radhës, pasi mund të kalojnë disa muaj para se të shpërndahet dhe siguruesit duhet të vendosin nëse dhe si do të mbulojnë koston e lartë të ilaçit.
Sipas ekspertëve të shëndetësisë, gati gjashtë milionë amerikanë vuajnë nga Alzheimer dhe miliona të tjerë vuajnë nga kjo sëmundje në mbarë botën.
Sëmundja e Alzheimerit gradualisht sulmon zonat e trurit të nevojshme për kujtesën, arsyetimin, komunikimin dhe detyrat e përditshme.
a.m/dita
Eshte alumini ne tru nga ilace dhe vaksina qe shkakton alxheimer. Hiqni ato helme dhe nuk ka me alxheimer.