Nga Dori Xhima
Kryevepra kinematografike e vitit 1972, “The Godfather” (Kumbari), ka provuar edhe një herë se klasiket nuk zbehen kurrë. E konsideruar gjerësisht si një nga arritjet më të mëdha në historinë e filmografisë botërore, drama me metrazh të gjatë e Francis Ford Coppola-s është rikthyer në qendër të vëmendjes duke u bërë një nga filmat më të shikuar në platformat e transmetimit dixhital.
Sipas të dhënave të fundit nga platformat transmetuese si Apple TV Store, The Godfather është ngjitur me shpejtësi në listën e filmave më të kërkuar, duke u rizbuluar nga një gjeneratë e re shikuesish dhe duke u shijuar sërish nga adhuruesit e vjetër.
Pse quhet “filmi i dytë më i mirë”?
Në renditjen historike të platformës prestiogjoze IMDb Top 250, filmi renditet në vendin e dytë me një vlerësim prej 9.2 nga 10, menjëheri pas The Shawshank Redemption (9.3). Po ashtu, në Rotten Tomatoes, filmi gëzon një vlerësim mbresëlënës prej 97% nga kritikët dhe 98% nga publiku.
Me interpretime historike nga Marlon Brando dhe Al Pacino, The Godfather mbetet një model i padiskutueshëm i zhanrit kriminal-dramatizues, duke definuar përgjithmonë mënyrën se si tregohen historitë e krimit të organizuar në kinematografi.
Rikthimi i tij në krye të klasifikimeve dixhitale konfirmon se historitë me ndikim të thellë artistik dhe njerëzor mbeten të pandikueshme nga koha.
Dita – Kinema
Po te kishin pare amerikanet kryevepren sovjetike Doni i Qete,do ndryshonin renditje.
Liria Hrushoviane nuk dergoi vetem njeriun ne Kosmos,por edhe Artin .