Fitorja e Shqipërisë ndaj Andorrës mbrëmë ishte e vogël në dukje, por me peshë të madhe në rrugëtimin drejt Botërorit. Një tjetër hap, që e mban Kombëtaren aty ku duhet, në garë, në lojë, në ëndërr. Mbrëmë fituam më shumë se tre pikë. Fituam besimin, vazhdimësinë, një tjetër arsye për të besuar.
Kombëtarja Shqiptare ka arritur një fitore të rëndësishme ndaj Andorras. Kristjan Asllani në minutën 67 tregoi klasin, kurse kuqezinjtë dhanë një provë karakteri dhe morën një rezultat që i forcon në betejën për FIFA World Cup 2026. Me këtë rezultat shanset janë rritur dukshëm.
Shqipëria nuk është më ekipi që luan me frikë, që trembet nga presioni dhe ngatërrohet në ndeshje të vogla. Andorra nuk është gjigant i futbollit, por fitorja mbrëmë ishte e detyrueshme. Pikërisht pse ishte e detyrueshme, ishte edhe e vështirë. Kur të kërkohet me patjetër fitorja, nuk ke luksin e shpërqendrimit. Shqipëria nuk u shpërqendrua.
Goli erdhi me vonesë, por mbi të gjitha u ruajt qetësia, ajo cilësi që Kombëtarja jonë dikur e humbiste shpesh dhe pësonte kur duhet të shënonte.
Tashmë play-off është një vend i merituar, jo surprizë. Kualifikimi tregon se Shqipëria mund të mos jetë më “e vogla simpatike”, por një kundërshtar i vërtetë për çdo ekip që e nënvlerëson.
Tani rruga vazhdon. Play-off-i nuk është fundi, është dera. E kemi hapur. Mënyra si ekipi po luan, mënyra si po rritet dhe si po lufton tregon se Botërori nuk është më një ëndërr naive.
Kemi një brez futbollistësh që luan në ligat më konkurrese të Europës. Kemi një trajner që e njeh grupin dhe ka krijuar strukturë. Kemi një publik që ndonëse kritikon, nuk resht së shpresuari.
Kjo ndeshje pati edhe efekt social: jemi një komb që kërkon sadopak arsye për t’u gëzuar. Një natë si kjo sjell një frymë pozitive që vendi ynë e ka të nevojshme. Ajo ndez shpresën, i jep energji rinisë, i jep krenari emigrantëve, i jep buzëqeshje një shoqërie që shpesh ka shumë arsye të mendojë për të kundërtën.
Futbolli prej kohësh është bërë një nga pak gjërat që na bashkon në mënyrë të natyrshme, pa politikë, pa grindje, pa ndarje. Dhe nuk është pak.
DITA SPORT
Ekipi administroi Lojen,Trgoi pjekuri.Shenoi ne momentin e duhur.Myrte Uzuni po e ngren nivelin nga ndeshja ne ndeshje.
Suksese kombetares.
Silvinjo, po më luan menç. Si nuk di ky njeri të bëjë formacion?! Mbeti me atë kalin e ngordhur Brojën në formacion. Në rast se nuk do të kishim fituar, ky duhej dëbuar urgjentisht me shkelma. Prej tij luajmë gjithmonë me një lojtar mangut!
demir, a me të vërtetë e kishin vendosur që të shënonin tamam në atë moment(të duhur)??apo shyqyr që shënuan kundër një skuadre të një shteti që është sa gjysma e kamzës??
O ti xy,Broja pas demtimit nuk eshte me Broja,por Selvinjo eshte njeri shpirtmadh.Ashtu si ringriti Rei Manajn pas nje periudhe krize,kerkon te ringreje edhe nje talent si Broja,,Sot te paafte fizikisht dhe te rene moralisht.
Selvinjo eshte trainer i madh dhe njeri i madh.
play off u arrit,tani jemi pjese e tij.Nese ne dy ndeshjet e play off dalim fitues shkojme ne finalet e boterorit.E veshtire me ekipet pjesemarse ne play off por jo e pamundur.
Komentatori grek tha mbrëmë ( me dhimbje të madhe) Shqipëria në play-off