Kryetari i Grupit Parlamentar të Partisë Socialiste, Taulant Balla komentoi në një intervistë për Euronews Albania fjalimin e kryeministrit Rama në Kongresin e Partive Socialiste Europiane në Berlin.
Balla tha se Rama kërkoi më shumë solidaritet brenda familjes europiane për momentet e vështira.
“Ky është Kongresi i Partive Socialiste dhe Demokrate në të gjithë Europës të cilat kanë në themel të tyre solidaritetin.
Besoj që të gjithë e dimë që në momente të vështira sikurse ka qenë pandemia, tërmeti dhe tani agresoni rus kundër Ukrianës, kërkojmë më shumë solidaritet dhe apeli i Ramës ishte pikërisht që kohët e vështira kërkojnë më shumë solidaritet. Apele të tilla i bëjnë mirë familjes së madhe europaine”, u shpreh Balla.
“E para e gjithë Europa po përballet me një valë inflacioni luftë dhe nuk ka një moment të ngjashëm që nga Lufta e Dytë Botërore dhe duhet të bashkëpunojmë për mekanizma të përbashkët të tejkalimit të kësaj situate të vështirë.
Inflacioni i luftës është ai që ka shkaktuar rritjen e çmimeve, çmimi i energjisë është një sfidë e përbashkët dhe çmimi i naftës dhe gazit. Në këtë kontekst apeli është solidaritet”, tha më tej Balla.
Kryeministri Edi Rama në fjalën e tij në Kongresin e Partive Socialiste Europiane në Berlin u fokusua tek kriza energjitike. Rama kërkoi mbështetje për ta kapërcyer këtë situatë, ndërkohë që përmendi pandeminë si një periudhë shumë të vështirë që fillimisht morrëm mbështetje nga Turqia.
a.m/dita
