Rishi Sunak mbajti fjalën e parë si kryeministër i Britanisë së Madhe. Nga fjalimi në Downing Street, Sunak tha se vendi po përballet me një krizë ekonomike.
“Është e drejtë të shpjegosh pse po qëndroj këtu si kryeministri juaj i ri. Tani për tani vendi ynë po përballet me një krizë të thellë ekonomike. Pasojat e COVID ende vazhdojnë.
Sunak foli edhe për paraardhësen e tij, Liz Truss duke thënë se ajo nuk kishte gabuar që ishte përpjekur të rriste ekonominë e vendit.
Sunak u shpreh se ai është zgjedhur si lider i Partisë Konservatore dhe kryeministër për të rregulluar disa nga gabimet e bëra nga paraardhësja e tij, Truss.
Rishi Sunak është zyrtarisht kryeministri i Britanisë së Madhe, pasi fitoi garën për lidershipin e Partisë Konservatore. Sunak takoi sot në Pallatin Buckingham mbretin Charles i cili i dha postin e kryeministrit, pas dorëheqjes së Liz Truss.
Sunak është kryeministri i parë indian në Britani dhe njëkohësisht edhe kryeministri më i ri në më shumë se një shekull, 42 vjeç.
a.m/dita