Fluks në Portin e Durrësit, pritet që sot të mbërrijnë 3800 njerëz me 5 tragete

Porti i Durrësit vijon të përballet me fluks të lartë shtetasish shqiptar, por edhe të huaj që hyjnë në vendin tone për festat e fundvitit.

Mediat raportojnë përgjatë së hënës pritet të mbërrijnë 3800 shtetas me pesë tragete. Ndërsa përgjatë tre ditëve të fundit nëpërmjet portit detar kanë hyrrë mbi 13 mijë e 600 shtetas. Nga kompanitë e lundrimit bëhet e ditur se tragetet po operojnë me lundrime dyfishe, vajtje-ardhje brenda ditës, me qëllim përballimin e fluksit që aktualisht është i përqëndruar në hyrjen e qytetarëve për në vendin tonë.

Policia kufitare po operon me kapacitet të plotë, duke vënë në funksion 26 sportele, 16 për qytetarët dhe 10 per mjetet e kamionët. Që prej datës 22 Dhjetor në portin e Durrësit ankorohen 5 tragete në 24 orë. Krahas udhëtarëve nga data 22-25 Dhjetor janë përpunuar dhe afro 4 mijë mjete. Krahas fluksit në rritje në portin e Durrësit nuk janë regjistruar rradhë të gjata.

a.m/dita