Ekonomia globale po rrezikon të shkojë drejt recesionit, kjo pasi tri ekonomitë më të mëdha globale nuk kanë ecur përpara ndërsa parashikohet një e rritje e mëtejshme e inflacionit, sipas mediave të huaja.
Skenari për ekonominë për pjesën e dytë të këtij viti, por edhe për vitin 2023 është edhe më pesimist sesa parashikimi më i fundit, i prillit, bërë nga Fondi Monetar Ndërkombëtar. Fondi thekson se në SHBA, Kinë dhe Eurozonë, ekonomia ka shënuar rënie të ndjeshme në tremujorin e dytë të këtij viti dhe kjo është tkurrja e parë për ekonominë globale që nga shpërthimi i pandemisë së koronavirusit në janar të vitit 2020.
“Që nga muaji prill, parashikimi për ekonominë globale në vijim është bërë edhe më i zymtë”, thuhet në raportin e FMN. Sipas tij, bota duket se po përjeton “epokën e recesionit”.
Fondi Monetar Ndërkombëtar parashikon tashmë një rritje ekonomike globale prej 3,2% për vitin 2022, në tkurrje me 0,4% nga parashikimi i muajit prill. Ndërsa parashikimi për vitin e ardhshëm është një rritje me vetëm 2,9%.
Raporti vuri në dukje se inflacioni është gjithashtu një fenomen global, pjesërisht për shkak të pengesave të zinxhirit të furnizimit që lidhen me pushtimin e Ukrainës nga Rusia. Në mungesë të një rezolute në Europën Lindore, FMN paralajmëroi se tabloja globale për rritjen ekonomike mund të përkeqësohet edhe më shumë.
Gjithashtu parashikimi i zymtë, përfshinte edhe Kinën ku ekonomistët e grupit presin tani vetëm 3.3% rritje këtë vit, nga 4.4% në parashikimin e prillit.
Sipas raportit, inflacioni global pritet të rritet me 6.6% gjatë vitit 2022 në ekonomitë e zhvilluara dhe 9.5% në ekonomitë në zhvillim.
Cna duhen keto gjera neve shqiptareve. Kemi hallin e Metes dhe dosjeve tani !