Ish-kandidati i dyshes Berisha-Meta për Tiranën, Belind Këlliçi ka nisur një fushatë sulmesh ndaj kreut të Bashkisë, përballë të cilit humbi thellë në zgjedhjet e fundit vendore.
Bie në sy që njëjtë si Luli dikur, edhe Belindi nuk ka fjalor të vetin. Ai përdor të njëjtat fjalë që përdor në publik Saliu.
Sot Belua (siç e quan veten) përsëriti atë që tha dje Berisha që Veliaj është pronari, babai dhe gjyshi edhe stërgjyshi i inceneratorit të Tiranës.
Ndoshta nuk ia vlen të merresh me akuza që kalojnë çdo masë të logjikës dhe racionalitetit sikur të mos ishte për një detaj që këtë herë bie shumë në sy.
Ndërkohë që postimet e Belindit ku ai u qan hallin banorëve të varfër të Tiranës se po i vjedh Bashkia, shpërndahen nga televizioni i familjes Berisha, është zbuluar padashur vendi se nga po i bën këto postime Belua.
Siç dëshmojnë këto foto, bashkë me anëtaren e Foltores në Këshillin Bashkiak të Tiranës, ish-gazetaren Beti Njuma, Belua po ia kalon për bukuri në një jaht luksoz.
Fotot janë publikuar në Instagram nga bashkëjetuesja e Këlliçit, Anna Shkreli, e cila po sillet si Armina e Shkëlzen Berishës.
Me sa duket, sa më të thella humbjet e “opozitës”, (Belindi theu rekord historik përballë Veliajt, me 60 mijë vota diferencë) aq më i madh luksi ku jetojnë e prej ku “opozitarët” pikëllohen për shqiptarët e varfër.
Ndërkohë që nuk dihet kush është pronari i jahtit luksoz ku po mbledhin veten nga jeta e rëndë politike çifti dhe anëtarja e Foltores në Këshillin Bashkiak të Tiranës, duhet vënë në dukje se çmimi ditor për një jaht këtë verë shkon nga 3 deri në 4 mijë euro në ditë.
n.s. / dita
