FBI ushtroi kontrolle në rezidencën e ish-presidentit Donald Trump në Mar-a-Lago në Palm Beach, Florida, të hënën e kaluar. Me gjithë ndikimin politik që ka pasur ky lajm, ajo që të bën përshtypje sapo përmendet rezidenca është madhështia që ka ky resort.
Gjatë presidencës së Trump, resorti shpesh quhej “Shtëpia e Bardhë e dimrit”.
Më poshtë sjellim foto që tregojnë se si është ky resort nga brenda, të cilat Business Insider i ka përshkruar me detaje.
Mar-a-Lago ka pritur gjatë këtyre viteve një numër vizitorësh, personalitete, me poste shumë të larta, pasi resorti ka shërbyer gjithmonë si vendi i “arratisjes” së familjes Trump në fundjavë.
Trump ka pritur gjithashtu liderë botërorë në resort, mes tyre presidentin kinez Xi Jinping dhe ish- kryeministrin e Japonisë Shinzo Abe.
Kompleksi gjigand u ndërtua në fillim të shekullit të 20-të. Aty familja Trump ka organizuar festa të mëdha dhe gjithashtu ndeshjet e Super Bowls së bashku me anëtarët e klubit privat.
Mar-a-Lago Club është një pronë e cila shtrihet në një sipërfqe prej 20 hektarësh me 128 dhoma.
Trashëgimtarja e Post Cereal e ndërtoi atë në 1927.
Ai përfshin të gjithë gjerësinë e ishullit ku ndodhet Palm Beach, duke u shtrirë nga Oqeani Atlantik deri në Rrugën Ujore Intrabregdetare.
Trump e bleu pronën me të gjitha mobiljet e saj antike në 1985 për 8 milionë dollarë.
Sot, resorti shërben si shesh lojërash për familjen Trump, por është gjithashtu i hapur për njerëzit që paguajnë për një anëtarësim në klub.
Në vitet 1990, anëtarësimet kushtonin 50,000 dollarë, por ato u rritën në 200,000 dollarë pas zgjedhjes së Trump si President.
Të anëtarësuarit mund të hyjnë në pishinat, plazhet, sallat e ngrënies dhe dhomat private të klubit.
Ata gjithashtu mund të japin me qira zona të resortit për dasma, apo festa të tjera dhe mbrëmje gala bamirësie.
Ushqimi në eventet e mbajtura në resort përgatitet nga një ekip kuzhinierësh ekspertë.
Për shkak të terrenit të sheshtë dhe hapësirës, Trump mund të fluturojë me helikopterin e tij nga resorti.
Mar-a-Lago është bërë sinonim i stilit të jetesës luksoze të Trump.
j.l./ dita
Donald Trump jeton ne nje pjese te ketij resorti, mund te kete 8-10 dhoma.
Resorti ben dasma, ka restorant, ka anetare qe paguajne, luajne golf, dhomat jane per te tjeret, jo per Trump.
Kjo eshte njesoj si te ndertosh nje pallat me 20 hyrje, tua shesesh njerezve, vete jeton ne katin e siperm.
Tamam, dhe te thuash pallati eshte i imi.