Burimet nga grupi hetimor bëjnë me dije se objektiv i atentatit të ndodhur në orët e vona të mbrëmjes së të shtunës, 20 korrik 2024, në qytetin e Memaliajt ka qenë Shyqo Kalemi, babai 74 vjeçar i Andrea (Adriatik) Kalemit.
Plumbat i morën jetën dhe kamarierit dhe klientit të lokalit ndërsa vëllai i Shyqos, xhaxhai i Adriatik Kalemit është plagosur rëndë. Ata ndodheshin bashkë në lokalin ku u krye masakra.
Sipas dëshmive mbi lokalin u hap zjarr me kallashnikov.
Një nga pistat e hetimit është saga e vrasjeve të nisura në 2022, me ekzekutimin me bombë të Aleksandër Sadikajt dhe disa muaj më pas të Edmond Papës.
11 qershor 2022 – Aleksandër Sadikaj vritet në një shpërthim me telekomandë. 27 vjeçari ishte kushëriri i Kalemëve. Sadikaj po lëvizte me makinë në aksin e njohur si Sauk-TEG në Tiranë. Autorët dyshohet se kishin vënë një sasi të konsiderueshme prej 150 gramësh tritol të komanduar me telekomandë, në pjesën e përparme të makinës e cila është aktivizuar gjatë lëvizjes.
16 dhjetor 2022 – Gjashtë muaj më pas vritet në Tiranë biznesmeni sarandiot Edmond Papa. Vrasja dyshohet se ishte hakmarrje për vrasjen e Sadikajt. Për ekzekutimin e tij i arrestuar është shoku i Andrea Kalemit, Albano Velo, ndërsa në kërkim është shoku tjetër Andrew Bode.
Më 9 gusht 2023 – Andrea Kalemi i shpëton atentatit në ishullin Pax të Greqisë, teksa kishte shkuar me pushime me 3 fëmijët dhe gruan e tij.
Më 14 dhjetor 2023 – Andrea Kalemi plagoset me thikë në burgun “Koridhalos” në Greqi. Autori sipas mediave grekte kishte qenë një 28-vjeçar egjiptian.
Më 8 janar 2024 – Prokuroria e Tiranës përfundon hetimet dhe dorëzon në gjykatë dosjen penale ndaj Andreë Bodes dhe Albano Velos. Prokuroria thotë se Papa dyshohet se u vra në shenjë hakmarrje për vrasjen e Aleksandër Sadikajt i njohur si ‘Sanço’
Më 12 janar 2024 – Tentohet të vritet vëllai i Andrea Kalemit i njohur dhe si Adriatik Kalemi. Nga një makinë në lëvizje u qëllua me kallashnikov drejt Smartit me të cilin po udhëtonte Zamir Kalemi. I riu mbeti i plagosur në këmbë.
Më 20 korrik 2024 – ekzekutohet në lokal Shyqo Kalemi, 74 vjeç babai i Andrea (Adriatik) dhe Zamir Kalemit dhe plagoset xhaxhai. Viktima, edhe dy të pafajshëm.
n.s. / dita
Shqiperia eshte bere si Sicilia
Edhe rrugen e zhvilimit ashtu e ka marre
Mafie dhe Politike bashke
Vetem ne fushata zgjedhore grupet e ”te forteve” bejne paqe e kurre nuk vrasin njeri-tjetrin. Arsyeja se jane te angazhuar ne fushate per Pushtetin qe gjithmone u premton zbardhje te Dosjeve ne kembim te punes tyre e pas zgjedhjeve nisin serish ritualin e lene pergjysem, hakmarrjet, duke pritur ate…premtimin per zbardhjen e Dosjeve deri ne fushaten tjeter.