FOTO: Kush është 30-vjeçari që vrau për një orë “Rolex” dhe një varëse floriri 16-vjeçarin në Kurbin

Policia e Shtetit ka arritur të konfirmojë dhe provojë se 16-vjeçari Mariglen Gjonaj, i zhdukur në mënyrë misterioze në vitin 2015 është vrarë.

Autori i dyshuar është  Kristjan Cenaj, lindur në Mamurras dhe banues në Ferrë Trashë, Kurbin.

Abc ka siguruar foton e këtij të fundit.

Cenaj është ndaluar ditën e djeshme nga policia e Lezhës.

Ishte vetë Drejtori i Drejtorisë Vendore të Policisë Lezhë, Vehbi Bushati i cili në një deklaratë për mediat tha se eshtrat dhe mbetjet kockore humane që u gjetën disa kohë më parë, pas ekspertimit biologjik, rezultuan se i përkisnin të zhdukurit 7 vjet më parë, të miturit 16-vjeçar Mariglen Gjonaj.

Policia konfirmon se ndalimi tij Cenajt është bërë pasi më datë 18.05.2015, Kristjan Cenaj dyshohet se ka vrarë të miturin 16-vjeçar Mariglen Gjonaj, për përfitim pasuror, konkretisht vjedhjen e disa sendeve me vlerë, si orë dore e markës Rolex dhe varëse floriri, që i mituri i ka pasur me vete ditën e ngjarjes kur është zhdukur.

Në konferencën për mediat, Drejtori i Drejtorisë Vendore të Policisë Lezhë, Vehbi Bushati thotë se autori i dyshuar e ka mohuar të ketë lidhje me ngjarjen, por shton se Policia dhe Prokuroria kanë prova të cilat dëshmojnë fajësinë e tij.

j.l./ dita