Janë disa persona të famshëm që edhe pse kanë kaluar dekada që nga vdekja, vdekja e tyre mbetet mister. Personat e famshëm mund të jenë të rrethuar nga shumë shkëlqim dhe të duken të paarritshëm, por janë edhe të zakonshëm në një momentin që vdesin. Disa natyrshëm dhe për shkak të pleqërisë, të tjerë nga një aksident, ndërsa disa u përfshinë me alkool dhe substanca që i çuan në një fund tragjik.
Mirëpo, ka edhe disa personazhe të njohur që “u larguan” në rrethana të veçanta dhe të papërcaktuara. Disa nga më të njohurit janë më poshtë.
JEFF BUCKLEY
Një këngëtar dhe kompozitor i konsideruar tashmë një “legjendë”, Jeff Buckley, i cili publikoi vetëm një album para vdekjes së tij të parakohshme në moshën 30-vjeçare. Albumi Grace, i publikuar në vitin 1994, konsiderohet si një nga albumet më të mëdhenj të muzikës rock dhe revista Rolling Stone e ka cilësuar Jeff Buckley-n një nga këngëtarët më të mëdhenj të të gjitha kohërave. Mjerisht, Buckley vdiq më 29 maj 1997, në Memphis, Tennessee, ndërsa po notonte në një kanal të lumit Misisipi. Ndërsa këndonte këngën e Led Zeppelin, “Whole Lotta Love”, Jeff Buckley u hodh në lumë i veshur me të gjitha rrobat dhe çizmet e tij. Ai kurrë nuk u rishfaq dhe trupi i tij i pajetë u gjet në afërsi të Wolf River Harbour dy ditë më vonë. Asnjë drogë apo alkool nuk u gjet në sistemin e tij dhe vdekja e tij u cilësua si një aksident.
BRITTANY MURPHY
Aktorja Brittany Murphy vdiq në vitin 2009 në moshën 32-vjeçare pasi luftoi me simptoma të ngjashme me gripin që zgjatën disa ditë. Në fillim, vdekja e saj u cilësua si një aksident, por kur burri i saj, Simon Monjack, vdiq gjashtë muaj më vonë në rrethana pothuajse identike, anëtarët e familjes u bënë të dyshimtë. Ishte vrasje? Një vrasje e ndjekur nga një vetëvrasje? Babai i Murphy-t pretendon se një toksikolog gjeti prova se Murphy ishte helmuar me arsenik, por policia nuk e rihapi kurrë çështjen, gjë që vazhdon të ngatërrojë shumë njerëz që dyshojnë se kjo grua e re e shëndetshme vdiq nga shkaqe natyrale.
PRINCESHA DIANA
Ndër gjërat që Diana, Princesha e Uellsit humbi pas divorcit nga Princi Charles ishte qetësia e saj shpirtërore. Në muajt para vdekjes së saj, megjithëse u përpoq ta jetonte jetën e saj sa më normalisht të mundej, ajo shprehu disa frikëra se do të vritej, ndoshta nga një aksident i organizuar me makinë. Fundi erdhi në një mënyrë të ngjashme me atë që ajo kishte parashikuar, por ajo që mund të mos dimë kurrë është nëse përplasja ishte një aksident, siç zbuluan hetimet e mëvonshme, apo u inskenua, siç kishte frikë.
