Protestuesit u ngjeshën në rendin e dhjetëramijërave përgjatë Bulevardit Dëshmorët e Kombit mbrëmjen e 10 qershorit 2026, në protestën më të madhe që vendi ka parë që nga protestat që sollën rrëzimin e regjimit komunist tre dekada e gjysmë më parë.
Protestestat nisën njëmbëdhjetë ditë më parë dhe u ndezën nga dhunimi dhe rrëmbimi i një qytetari nga rojet private të sigurisë në shërbim të kompanisë që rrethoi zonën e mbrojtur Nartë – Pishë Poro me gardh me tela me gjemba me synimin për të ndërtuar komplekse vilash dhe hotele.
Që nga dita e parë, numri i protestuesve ka ardhur vazhdimisht në rritje, me qytetarë të informuar kryesisht përmes rrjeteve sociale ndërsa media konvencionale në përgjithësi zgjodhi të injorojë dhe pastaj shpërndau informacione keqinformuese të qeverisë me aludime për komplot të huaj si nxitës pas protestave.
Shqipëria nuk e ka praktikën e vlerësimit të numrit të pjesëmarrësve nga institucionet publike, siç është policia në vende të ndryshme kështu që pjesëmarrja mbetet çështje e debatueshme.
Zyrtarë të ndryshëm socialistë kanë sugjeruar se në protestë kanë marrë pjesë jo më shumë se 2 mijë vetë, ndërsa vlerësime të tjera flasin për shumëfish të kësaj shifre.
Situata ndryshoi kryekëput të mërkurën më 10 qershor kur i gjithë bulevardi nga Sheshi Skënderbej deri te kryeministria ishte i mbushur. Marshimi që pasoi vijoi përgjatë Rrugës së Kavajës dhe Rrugës Muhamet Gjollesha për të dalë sërish në bulevard.
Qytetarët bërtitën në korr “Revolucion” dhe “Shqipëri e Re” si dhe hodhën slogane të ndryshme, përfshirë “Rama jepe dorëheqjen” dhe “Rama Burg – Berisha Burg!”
Protesta e emërtuar “Revolucioni i Flamingove”, për shkak të flamingove të shumta që ndalojnë në Lagunën e Zvërnecit, duket se do të vijojë gjatë.
Kryeministri Edi Rama ka refuzuar kërkesën e protestuesve për dorëheqje por së fundmi bëri me shenjë mundësinë e plotësimit të një kërkese dytësore, anulimin e ligjit kontrovers “Për Investimet Strategjike”.
Protesta është brohoritur brenda dhe jashtë vendit për shkallë të lartë të edukatës qytetare dhe vetëdijes politike.
n.s. / dita
Protesta tregon që nuk jetojmë në diktaturë siç thotë sali kërma. Ama foto ilustruese është me AI. Kemi të gjithë tv në shtëpi për ta parë.
Super !!! 👏👏👏👏👏
Dmth u bene 2 000 vete ne proteste e, apo jo o perversi Rrama?
Rinia jonë e mrekullueshme!
Edhe sikur të bëje sikur po sprapset, mos u gënjeni me LUGËN BOSH që do u zgjasë ky sociopat arrogant.
Ky do bëjë të pamundurën që të qëndrojë sa më gjatë në pushtet.
Grykësia e tij nuk njeh kufij.
Anulimi i ligjit kontrovers “Për Investimet Strategjike”, shkurt PIS edhe nëse bëhet, si synim ka trushplarjen.
Anulumi i këtij ligji absurd nuk është sukses. Ai është një vërë në ujë. Ai nuk përmbush as një të qentë e kërkesave tuaja të panegociueshme.
Kërkesa 1.) Dorëheqja e parevokueshme e këtij kryeministri intrigant që përbuz dhe ofendon protestuesit është kusht i parë i domosdoshëm.
Kërkesa 2.) Mbajtja nën kontroll të vazhdueshëm, në mënyrë që mos të ketë mundësi t’ja mbathi në drejtim të paditur si kryehajduti Ahmet Zogolli.
Po u realizuan këto dy kërkesa fillestare, rrjedha e ngjarjeve dhe plotësimi i kërkesave të tjera shtesë bëhet vetvetiu se gjithë shpurra e hajdutërve që i shkon nga pas do 10së në brekë nga frika, e do humbasë shumë shpejt edhe atë pak mbështetje që i ka mbetur.