Ashtu siç edhe paralajmëroi, opozita zhvilloi këtë të enjte protestë jashtë ambienteve të Kuvendit.
Mbështetës të opozitës, qytetarë dhe deputetë janë bërë bashkë teksa kanë kërkuar dorëheqjen e kryeministrit Edi Rama.
Pas përfundimit të fjalimit të Sali Berishës protestuesit kanë hedhur tymuese në drejtim të Parlamentit, ku kishte prezencë të shtuar të forcave të policisë.
Një protestues i veshur me kostum popullor, me qeleshe në kokë është afruar me kalin e ti tek gardhi i krijuar nga policia.
Ai ka ndezur një tymuese që ka krijuar tym jashtë Parlamentit për disa sekonda.
Ndërkohë policia shtyn kalin, që të mos kalojë kordonin e krijuar.
Në protestën e thirrur nga PD, u mblodh një numër i vogël njerëzish.
Policia me rreth 1 mijë efektivë kanë rrethuar zonën dhe janë në gatishmëri.
j.l./ dita
