Mes viktimave nga aksidenti tragjik i trenave në Greqi ndodhen të paktën pesë shtetas shqiptarë, pavarësisht se konfirmimi zyrtar për shumicën e tyre ende nuk është dhënë, pasi duhet të përfundohet identifikimi me anë të testit të ADN.
Një 23-vjeçare shqiptare është një nga personat që humbën jetën në aksidentin tragjik të ndodhur në Greqi dy netë më parë.
E reja është identifikuar si Evgjeni Micka. 23-vjeçarja shqiptare u identifikua përmes analizës së ADN-së.
Ajo është viktima e tretë shqiptare, pas studentes së identifikuar një ditë më parë, 21-vjeçares Klaudia Lata dhe 60-vjeçarit Pavlin Bozo, i cili punonte në një bar/kafe në tren. Edhe natën që ndodhi ngjarja e rëndë, ai ka qenë në krye të detyrës duke iu shërbyer pasagjerëve.
Klaudia Lata ishte pasagjere në vagonin 2 të aksidentit tragjik të përlasjes së trenave që ndodhi në Greqi. Familja Lata është një familje emigrante në Larisa, ka njoftuar humbjen e Klaudia Latës.
Ngjarja e rëndë ndodhi pak para mesnatës së të martës në Greqi.
Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 57 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash.
Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal.
j.l./ dita
