Një aksident i rëndë ka ndodhur pak më parë në zonën e Freskut në Tiranë.
Një makinë e drejtuar nga një vajzë sipas dëshmitarëve është futur në kthesë me shpejtësi të lartë.
Drejtuesja, duket e kapur nga paniku, ka humbur kontrollin e mjetit.
Makina ka dalë nga rruga dhe pasi ka hipur në trotuar ka goditur shumë fort një mjet të parkuar pranë një dyqani duke e përmbysur atë.
Zhurma dhe frika që ka shkaktuar te banorët dhe të pranishmit ka qenë e lartë.
Fatmirësisht nuk pati viktima te kalimtarët. Zona është mjaft e populluar në këtë orë të mëngjesit.
Shumë afër është një shkollë dhe një varg dyqanesh që sapo ishin hapur.
Sikur makina jashtë kontrollit të mos ishte përplasur me makinën e parkuar në trotuar, pasojat do ishin më të rënda, pasi mund të përplasej me njerëzit.
Vajza e plagosur është marrë me urgjencë dhe është dërguar në spital.
Aksidentet me shofere femrat në timon kanë një rritje të dukshme kohët e fundit në zonat urbane.
Ekspertët kanë vënë re një dukuri që ndodh shpesh me femrat në timon vecanërisht në muajt e parë pas marrjes së patentës.
Në momente paniku ato ngatërrojnë pedalin e frenave me atë të gazit duke mëshuar fort tek ky i fundit me mendimin se janë duke frenuar. Por në fakt po bëjnë të kundërtën…
d.t. / dita
