Me nderime ushtarake, tapet të kuq dhe një banket madhështor shtetëror u prit Xi. Donald Trump theksoi marrëdhënien e tijpersonale me Xi Jinpingun, për të cilin tha se kanë ndërtuar “një miqësi vërtet të shkëlqyer”.
Por përveç zgjatjes me dy muaj të asaj që mund të quhet një lloj “armëpushimi” në mosmarrëveshjet për tarifat doganore dhe tregtinë, si edhe angazhimit për të pezulluar deri më 10 janar tarifat e larta ndëshkuese dhe kufizimet e eksportit, çfarë është arritur realisht?
Mosmarrëveshjet mes SHBA-së dhe Kinës mbeten të shumta. Nga tregtia, çipat dhe inteligjenca artificiale deri te Tajvani, Irani dhe lufta në Ukrainë, lista e çështjeve konfliktuale është e gjatë dhe deri tani pa zgjidhje të qarta.
Sekretari amerikan i Shtetit Marco Rubio theksoi se edhe mbajtja e hapur e kanaleve të komunikimit me Kinën, rivalin kryesor strategjik të SHBA-së, ka vlerë në vetvete.
Senatori demokrat Chris van Hollen u shpreh shumë ashpër: “Presidenti Trump bie vazhdimisht pre e një vetëmashtrimi. Ai përpiqet t’u bëjë lajka udhëheqësve autoritarë si Putini apo Xi, duke besuar se kështu mund të arrijë atë që dëshiron. Kjo është krejtësisht e gabuar. Trump mund ta konsiderojë veten negociatorin më të mirë në botë. Por fakti është se këta udhëheqës të huaj po i hedhin hi syve Shteteve të Bashkuara dhe po përfitojnë prej tyre.”
Vizita e Xi Jinpingut nuk ka hasur vetëm në kritika nga demokratët. Edhe republikanë të afërt me Trumpin kanë shprehur rezerva ndaj ceremonive madhështore të organizuara për liderin kinez. “Nuk do t’i kisha këshilluar presidentit një pritje kaq pompoze për Xi Jinpingun”, tha senatori republikan Roger Wicker.
Me shkurtime nga DW
Ju ra bytha ne uje me kinen se e krujtet vete.
Në Ameriken e sotme , Trampi është politikani më realist dhe me mendim me te thellë se kritizeret e tij . Kanë ndryshuar shumë kohet , po fole me kobure ne dorë nuk e zgjidh problemin, vetëm e komplikon atë. Trampi e ka kuptuar mirë këtë dhe kjo ndikon pozitivisht ne shkalle boterore .