FOTO+EMRAT: E rrëmbyen në park dhe e përdhunuan, këta janë 5 të rinjtë e ngjarjes së rëndë në Kosovë

Me foto dhe emra, këta janë pesë të rinjtë që përdhunuan 11-vjeçaren në Kosovë duke shokuar opinionin publik në të dy anët e kufirit shqiptar.

Ekrem Rexhepi, Gent Rexhepi, Xhabir Salihu, Gentrit Jashari dhe Shkëlqim Kameri janë emrat e pesë autorëve të ngjarjes së rëndë.

Që nga bërja publike e këtij rasti, të shumtë kanë qënë ata që kanë bërë thirrje në rrjetet sociale që emrat dhe fotot e autorëve të bëhen publike.

Dje në dy kryeqytetet shqiptarë, Prishtinë e Tiranë u zhvilluan protesta ku u kërkua që dhunuesit ta marrin ndëshkim të rëndë.

Në Prishtinë protesta u mbajt në Sheshin “Zahir Pajaziti”,  ndërsa në Tiranë në sheshin “Nënë Tereza”.

Si ndodhi ngjarja?

Ngjarja raportohet  të ketë ndodhur më 27 gusht nga ora 17:30 deri në orën 00:30. Dhunimi i vajzës së mitur ka nisur në parkun në lagjen “Arbëria” në Prishtinë, për të vazhduar në një vend tjetër të panjohur.  Sipas dyshimeve të para, fillimisht tre të miturit, Gent Rexhepi, Xhabir Salihu, Gentrit Jashari keqtrajtuan seksualisht vajzën e mitur, ndërsa më pas ka shkuar edhe 26-vjeçari Ekrem Rexhepi, të cilin e ka thirrur vëllai i tij Gent Rexhepi.

Në një zonë, 26-vjeçari ndaloi makinën në një tjetër vend dhe kreu marrëdhënie seksuale me të miturën. Në dëshminë që ka dhënë vetë ajo në polici, ka treguar se ishte në park kur iu afruan 3 persona duke e ngacmuar me fjalë. Ndonëse nuk iu ka kthyer përgjigje dhe ka vijuar rrugën e saj, njëri i është afruar dhe e ka prekur.

E mitura është dërguar aktualisht në një qendër rehabilitimi strehimore, ndërsa janë arrestuar autorët e krimit. Mësohet se Ekrem Rexhepi ka qenë i akuzuar më parë për veprat penale “vjedhje e rëndë” dhe “dhunë në familje”.

Për këtë ngjarje, në Kosovë dha dorëheqjen drejtori i përgjithshëm i Policisë së Shtetit.

j.l./ dita