Ruben Saraiva, portugezi që akuzohet se ka ekzekutuar biznesmenin dhe eksponentin politik në Shëngjin, Ardian Nikulaj, është kthyer në kryefjalën e mediave shqiptare.
Dy ditët e fundit u raportuan për detaje që lidhen me portugezin, përfshirë këtu edhe disa foto të tij, me pasionin për motorat.
Ato janë publikuar në rrjetet sociale në një profil me të njëjtin emër.
Por, së fundmi, në Tik Tok, po qarkullojnë statuse të personit që shihet teksa poston nga Greqia dhe Portugalia.
Ai ka ripostuar video nga udhëtimet me motor dhe pretendon se nuk është i njëjti Ruben Saraiva që akuzohet për vrasjen e Nikulajt.
“U bëj thirrje mediave shqiptare të mos njollosin emrin tim. Ju lutem, çfarë po beni, nuk e di çfarë po thurni atje. Përshëndetje nga Greqia, unë nuk jam një kriminel. Ky është një fake news, nuk kam lidhje me ngjarjen e ndodhur në Shqipëri. Lajme të rreme, fotot e mia po kepërdoren nga mediat shqiptare”, shkruhet në postimet e tij.
@ruben.saraiva #albania #media ♬ original sound – Ruben Saraiva
@ruben.saraiva #albania #media ♬ original sound – Ruben Saraiva
Megjithatë, ajo ç’ka e bën të dyshimtë është se ky profil është hapur dje, vetëm pas publikimit të fotove të tij në mediat shqiptare që tregonin imazhe të reja të portugezit që deri një ditë më parë e identifikuan me një foto pasaporte.
Një tjetër detaj që bie në sy është edhe fakti që ka vetëm postime me shkrim dhe asnjë me video ku të riut nga Portugalia të mund t’i dëgjohet zëri apo të bëjë një sqarim më të plotë lidhur me përfshirjen ose jo të tij në këtë ngjarje.
A është profili i tij? A janë i njëjti person dhe postimet e bëra janë për të fshehur përfshirjen në krimin që tronditi Shëngjinin prag zgjedhjeve?
j.l./ dita
