Një debat mes fqinjësh për një ballkon që duket se pikonte, ka përfunduar në një konflikt fizik, ku njëri prej tyre mori çekiçin dhe masakroi për spital tjetrin. Ngjarja ka ndodhur këtë mesditë, në lagjen “29 Nëntori” në Fier. Dyshohet se pas një debati që dy fqinjët kanë pasur mes tyre dhe që ka lindur prej kohësh pasi nuk shkonin mirë, janë përfshirë në një sherr, nga i cili ka mbetur i lënduar një 55-vjeçar. Sipas burimeve zyrtare të policisë vendore, 42-vjeçari i identifikuar Ermal Sino, ka goditur me një çekiç fqinjin e tij Qazim Hyka, 55 vjeç, i cili ndodhet në spital, në kujdesin e mjekëve. Për pasojë 42-vjeçari, i cili është arratisur menjëherë pas konfliktit, është shpallur në kërkim nga uniformat blu. Grupi hetimor po punon për kapjen e autorit dhe zbardhjen e plotë të rrethanave të ngjarjes, teksa pritet edhe dëshmia e të dëmtuarit.
Kerko
