Qeveritë e BE-së po diskutojnë nëse ish-Presidenti i Bankës Qendrore Evropiane, Mario Draghi, apo ish-Kancelarja gjermane, Angela Merkel, mund ta përfaqësojnë bllokun në negociatat e mundshme me Vladimir Putinin, mes përpjekjeve intensive për të rihapur kanalet zyrtare të komunikimit me Rusinë.
Gazeta Financial Times shkruan se, ministrat e jashtëm do ta debatojnë këtë çështje në një takim të BE-së në Qipro javën e ardhshme. Ndërkohë, Administrata Trump, aktualisht e preokupuar me konfliktin e saj në Lindjen e Mesme, i ka informuar partnerët evropianë se nuk kundërshton diskutimin e Evropës me Putinin paralelisht me negociatat e paqes të udhëhequra nga SHBA-të.
Përveç Draghi-t dhe Merkel-it, qeveri të tjera kanë propozuar emrat e Presidentit të Finlandës, Alexander Stubb, dhe paraardhësit të tij, Sauli Niinistö, si kandidatë të mundshëm, sipas burimeve. Presidenti i Këshillit Evropian, António Costa, i cili përfaqëson udhëheqësit e 27 shteteve anëtare të BE-së, deklaroi më parë këtë muaj se blloku po përgatitet për diskutime të mundshme me Putinin.
Diskutimet midis kryeqyteteve evropiane mbi këtë çështje po zhvillohen në nivele të ndryshme, tha një burim, me mundësinë e diskutimeve zyrtare midis udhëheqësve të BE-së në një samit në qershor.
j.l./ dita
Putini ja ka marre doren plakes Merkel qe kur ja ngriu gjakun duke i sjelle rrotull ata 2 qente e tij aty ku ishin duke biseduar ne Moske.