Pak më shumë se një orë deri në fillimin e ndeshjes së dytë gjysmëfinale mes Manchester City dhe Real Madrid, UEFA ka bërë një gabim në rrjetin e saj, që po bën xhiron e botës. Organi më i lartë i futbollit europian ka hapur shitjen e biletave për finalen e Champions League, me Madridin dhe Interin si ekipe të kualifikuara!
“Konfirmohen finalistët dhe skena është vendosur”, theksohej në një postim promovues në Twitter, për të fituar biletat për finalen (në foto).
Gjithçka duket se ka qenë një gabim publikimi, pasi pak çaste më vonë u publikua i njëjti tweet me protagonist Manchester Cityn. UEFA ka gjithçka gati për të nisur promovimin e saj teksa luhej ndeshja mes Cityt dhe Madridit.
