Gara për kreun e ri të Prokurorisë së Posaçme pritet të hapet në 16 shtator, në mbledhjen e parë që Këshilli i Lartë i Prokurorisë ka planifikuar të zhvillojë.
“Drejtuesi aktual i Prokurorisë së Posaçme përfundon mandatin në datën 18 dhjetor dhe ne kemi detyrimin si Këshill që 3 muaj para përfundimit të hapim garën. I bie që javës tjetër, në mbledhjen e ardhshme të Këshillit që kemi fiksuar në datë 16 shtator, një nga pikat në rendin e ditës do të jetë edhe hapja e garës për drejtues të Prokurorisë së Posaçme”.
Në një intervistë për Televizionin Klan, kreu i KLP, Alfred Balla, tregoi më shumë mbi kriteret që favorizojnë më shumë kandidatët.
“Kuptohet që kandidatët që kanë më shumë eksperiencë në drejtim, sepse mundet të jesh një prokuror i mirë, por nuk je menaxher i mirë i një zyre. Kandidatët që kanë spikatur me punën e tyre. Ata që kanë një figurë edhe mediatike dhe marrëdhënien me median dhe publikun për aq sa i takon. Kandidatët që kanë eksperienca në hartimin e akteve nënligjore dhe rregulloreve do i kemi parasysh në përzgjedhje.
Plotësimi i SPAK me 20 prokurorë, sipas Ballës do të duhet të presë, pasi Këshilli është fokusuar në plotësimin e vakancave në prokuroritë e rretheve aty ku mungojnë 104 prokurorë.
“Burimi kryesor i futjes së prokurorëve në sistem është Shkolla e Magjistraturës dhe që kur jemi krijuar kemi emëruar 40 prokurorë. Këtë vit ne emëruam 22. Për të zbutur vakancat i kemi propozuar Kuvendit që të bëhet i mundur ndryshimi i ligjit në lidhje me prokurorët që janë në proces studimi të cilët vitin e 3 të munden ta bëjnë praktikë të pagueshme dhe të punojnë në sistem”.
Kreu i KLP thotë se ndryshimi i ligjit do të sjell më shumë burime njerëzore në sistem.
o.j/dita
Me e mira qe mund te beni eshte te emeroni nje prokuror me siptoma budallaj qe te mos kuptojme se ke godet. Ai te kete mbaruar kursin e Plepave.
Kaqe shpejte mbaroi mandatin Kraja? Nqs nuk ka bere detyren duhet te denohet sepse ka marre frogs te majme nga taksapaguesit dhe jepe mesazhe negative per cdo pasardhes ( hajde ta provojme nje here). Ose ato qe e zgjodhen duhet te mbajne pergjegjesi.
Ky mandat shki.Peshqit e medhej desh e fundosen, pore po shpeton se i mbaroi Mandat. Ky i riu qe vjen edhe ky do te kerkoj kohe per te njhur me hetimet qe jen bere dhe me ne fund edhe ky do ta mbyll si i pari.
Na rrofte Drejtesia e Re qe beme.