Pas pritjes së pabesueshme që mori seriali triller-horror i prodhuar nga Ryan Murphy dhe Ian Brennan, ‘Monster: The Jeffrey Dahmer Story’ (i bazuar në histori të vërtetë), që bëri t’u ngrihen flokët përpjetë të gjithëve, “Netflix” tashmë ka bërë të ditur se për kë do të bëhet fjalë në këtë sezon të dytë. Pavarësisht se krimi i vërtetë gëzon shumë fansa në platformë, ai kurrë nuk ka mbledhur një ‘legjion’ të tillë shikuesish dhe ndjekësish të historisë sa me kastin e e sezonit të parë “Dahmer”. Popullariteti i serialit arriti ta pozicionojë atë si produksionin e tretë më të ndjekur në gjuhën angleze në platformë, në 28 ditët e para. Sukses që më pas u bënë kostumet e Halloween-it për protagonistin dhe ankesat e familjarëve të viktimave te producentët për mungesë takti në shfaqje. Kjo pritje nga audienca është pjesërisht për shkak të performancës së Evan Peters në rolin e Jeffrey Dahmer, një performancë që i dha atij Globin e Artë të parë si aktori më i mirë në një mini-serial, dhe pjesërisht edhe për ashpërsinë e rastit ku trajtohen subjekte të afta për të shqetësuar edhe shikuesin më dyshues, si; kanibalizmi, nekrofilia, ndër të tjera.
Fytyra të reja, viktima të reja
Ky sezon i dytë nuk do të trajtojë asgjë më shumë dhe asgjë më pak se rasti i vëllezërve Menéndez, Lyle dhe Erik, të cilët u dënuan për vrasjen e prindërve të tyre, José dhe Kitty në shtëpinë e tyre në ‘Beverly Hills’. Ky rast daton në vitin 1989, kur vëllezërit u gjykuan dy herë: herën e parë që rezultoi në bllokadë jurie dhe herën e dytë me dënime për të dy, me akuza për vrasje të shkallës së parë dhe komplot për ta kryer atë. Një pjesë e mbrojtjes së vëllezërve pretendoi se ata kishin pësuar abuzime nga prindërit gjatë gjithë jetës së tyre dhe se të shtënat ndaj tyre ishin në mbrojtje të jetës. Pas gjykimit, të dy u dënuan me burgim të përjetshëm.
