Partizani është skuadra kampione e Superiores. Të kuqtë ngritën lart trofeun e 17-të në historinë e tyre ditën e djeshme.
Festa është e gjitha për ta dhe tifozërinë e tyre. Presidenti Gaz Demi, nëpërmjet llogarisë së klubit në rrjete sociale, falenderon tifozët e ekipit dhe u dedikon atyre këtë sukses historik. Më herët ai ishte shprehur se sa të jetë drejtues i klubit, Partizani do luftojë gjithmonë për titullin kampion.
POSTIMI:
“Dua të uroj fillimisht gjithë ata që kontribuan në këtë titull të 17-të, gjithë familjen Partizani, nga i pari tek i fundit në klub… Por, sot në mënyrë të veçantë, dua të falenderoj dhe të uroj tifozerinë tonë të zjarrtë. Ky titull është për JU.
Jeni shpirti, zemra dhe grinta e këtij ekipi KAMPION. Faleminderit që jeni sjellë në mënyrë korrekte gjatë gjithë sezonit, ashtu si i ka hije tifozerisë së kuqe.
“Arena e Demave”, të hënën e 29 Majit ishte flakë e kuqe, ashtu si unë e kam ëndërruar që në startin e këtij projekti.
Jeni KAMPIONË EDHE JU! Jemi një familje…
Ju përqafoj të gjjthëve. Respekt maksimal, Gaz Demi! PMTP”.