Kanë kaluar gjashtë muaj që kur aktori Julian Sands u zhduk në malet San Gabriel në Kaliforninë jugore. Aty ai nuk dha sinjale dhe ka qenë gruaja e tij ajo që ka ngritur alarmin. “Me sa kuptoj unë, ai u largua diku atë ditë për të ecur në shëtitje dhe kur nuk u kthye, familja e raportoi atë të zhdukur,” tha në atë kohë zëdhënësi i Departamentit të Sherifit të San Bernardino.
Një zhdukje për të cilën tashmë mund të ketë një lajm dhe ai është se po këtë të shtunë mbetje njerëzore janë gjetur shumë pranë zonës ku hetuesit kanë kërkuar për aktorin britanik, ku i kishte humbur gjurmët. “Alpinistët civilë kontaktuan stacionin e sherifit të Fontana-s pasi zbuluan mbetje njerëzore në shkretëtirën e malit Baldy”, tha i njëjti burim, në një deklaratë për shtyp të mbledhur nga CNN.
Disa mbetje që tashmë janë duke u analizuar dhe identifikimi i të cilave duhet të përfundojë javën e ardhshme, kur më pas do të dihet nëse i përkasin aktorit 65-vjeçar të famshëm, i filmave si; ‘Smallville’, ’24’, ‘Një dhomë me një pamje’, ‘Warlock’, ‘Largimi nga Las Vegas’ dhe ‘Ditarët e një Vampiri’.
