Policia arriti që të gjejë sot përgjatë rrjedhës së Vjosës në afërsi të fshatit Piskovë, trupin e 58-vjeçarit Agim Pelushi i humbur që prej datës 18.
Trupi është nxjerrë nga lumi edhe me ndihmën e shërbimit zjarrfikës dhe po ekzaminohet më tej në morgun e qytetit.
Agim Pelushi sipas familjarëvë që kishin denoncuar largimin e tij nga banesa kishte çrregullime psikike dhe kishte nevojë për ndihmë mjekësore të vazhdueshme.
Ata kanë pohuar për oficerët e policisë se gjendja psikologjike e Agim Pelushit ishte më e rënduar së fundit pas divorcit me bashkëshorten.
Ai ka jetuar kryesisht në Greqi ku edhe ka punuar për dy dekada.
Njoftimi i policisë:
Përmet/Informacion paraprak
Në datën 22.06.2022, rreth orës 13:30, nga shërbimet e Komisariatit të Policisë Përmet, në lumin Vjosë, në afërsi të fshatit Piskovë, Përmet, është gjetur i mbytur shtetasi A. P., 58 vjeç, banues në Përmet, i cili, sipas kallëzimit të familjarëve është larguar nga banesa në datën 18.06.2022.
Shërbimet e Komisariatit të Policisë Përmet, në bashkëpunim me shërbimet zjarrfikëse, kanë bërë të mundur nxjerrjen e trupit nga lumi Vjosë, i cili është transportuar në morgun e spitalit, për ekzaminime të mëtejshme.
o.j/dita
