Një 28-vjeçar është gjetur pa shenja jete në ujëmbledhësin e centralit në fshatin Çidhën, në zonën e Dibrës.
I riu raportohet se vuan nga probleme të shëndetit mendor, ndërkohë që kanë qenë familjarët ata që kanë deklaruar paraprakisht që 28-vjeçari mund të jetë vetëmbytur.
Grupi hetimor dhe policia po vijojnë hetimet për zbardhjen e rrethanave të ngjarjes.
Njoftimi i Policisë
Informacion paraprak:
Më datë 12.07.2022, rreth orës 06:45, në vendin e quajtur ‘Ujëmbledhësi i centralit të vjetër’, në fshatin Çidhën, është gjetur nga familjarët, pa shenja jete, shtetasi B. T., 28 vjeç, banues në fshatin Çidhën, Dibër, i cili vuan nga probleme të shëndetit mendor. Nga deklarimet paraprake të familjarëve, dyshohet se shtetasi B. T. është vetëmbytur në ujëmbledhësin e centralit.
Grupi hetimor vijon hetimet për zbardhjen e rrethanave të ngjarjes.
j.l./ dita
