Dy ditë pas bombardimeve më intensive që prej fillimit të luftës, sulme të reja u raportuan në Ukrainë. Një impiant gazi dhe një fabrikë e prodhimit të raketave në Dnipro ishin mes shënjestrave të fundit. Një zjarr i madh përfshiu fabrikën, duke lënë të plagosur 14 persona.
Në Zaporizhia, raketat qëlluan godina banimi duke i marrë jetën të paktën 4 qytetarëve. 70 predha ranë mbi Nikopol duke shkatërruar infrastrukturën e duke lënë pa energji e ujë mijëra banorë. Në shënjestër u vunë edhe rajonet Odesës dhe Kharkivit, me sirenat e alarmit që ranë edhe në kryeqytetin Kiev.
Pas disfatave të vazhdueshme në fushëbetejë, Moska po e përqendron fushatën e agresionit tek infrastruktura kritike. Në një deklaratë, gjenerali i lartë amerikan, Mark Milley, tha se pavarësisht zmbrapsjes së Moskës nga disa territore, ka pak gjasë për një fitore të afërt të Ukrainës.
“Objektivi ushtarak i Ukrainës për ta dëbuar plotësisht Rusinë nga Ukraina, përfshirë edhe Krimenë, është i vështirë të arrihet dhe nuk pritet të ndodhë në të ardhmen e afërt”, tha ai.
Gjenerali pranon megjithatë, se mund të ketë një zgjidhje politike në tryezën e negociatave, me Rusinë që mund të merrte vendimin për t’u tërhequr. Volodymyr Zelensky ka paraqitur një plan me 10 pika për paqen me Rusinë, që parashikon ndër të tjera tërheqjen e plotë të trupave pushtuese. Por Kremlini i cilëson kushtet të papranueshme dhe në një deklaratë të enjten, theksoi se Uashingtoni është në gjendje të ushtrojë ndikimin e vet te Kievi duke e bërë më fleksibël.
a.m/dita
Ja me ne fundi nje Gjeneral realist qe nuk ndikohet nga politika per te thene “fake news” si shume lango te tjere, eshte e hidhur por eshte e vertete.
Sinjalet i dhate qe me ca pijanece shamataxhij ne Mitrovicen e Veriut,qe trupat e NATOs duhet ti kishin treguar vendin,,pa te beje shtet Kosova.Edhe tani po terhiqeni nga Ndihma per Ukrainen.Po u terhoqet ju,po e late ne balte Ukrainen nuk ka asnje shans per terheqje te agresoreve ruse.
Deri sa te mbaroje kjo zallahi ,te gjithe dalin te fituar pervec atyre qe u vrane dhe mbeten cyrke,invalide.Boshatisen magazinat qe nga lufta e dyte boterore dhe provuan efikasitetin e armeve te reja.Del rezultati qe dronet jane e ardhmja e luftes ajrore.Aeroplanet dalin jashte loje edhe nga kostoja shume e larte.Prodhohen mjete anti ajore qe tu pergjigjen 200 drone ne nje sulm te vetem,si ne filmat fantastiko-shkencore me drone.Sido qofte nje parim i luftes nuk ndryshon:Vendi quhet i pushtuar kur shkel kemba e ushtarit.
Dy komente te ndryshme nga I njejti gjeneral ne me pak se nje muaj. Cilit koment duhet ti besojme?
Ukrainasit nuk e mendojne keshtu. Koha do te tregoje nese gjenerali parashikoi drejte!!
nuk ka luftë.
është thjesht shpikje e imperializmit për të rritur çmimet me alla krizën ububu që imperialistët të.dalin me fitime marramendëse