Ish-kryebashkiaku i Kukësit Safet Gjici do të qëndrojë në paraburgimin e Durrësit deri në përfundim të hetimeve nga ana e SPAK për akuzën e ngritur ndaj tij për veprën penale të korrupsionit pasiv.
Sipas burimeve, ai është dërguar në këtë institucion të sigurisë pasditen e djeshme.
Në të njëjtin paraburgim po mbahen aktualisht edhe ish-kryebashkiaku i Durrësit Vangjush Dako, ish-ministri Lefter Koka si dhe ish-deputeti i PS Alqi Bllako.
Gjici doli të hënën para trupës gjykuese të GJKKO, ku mohoi akuzën për veprën penale, për të cilën akuzohet duke theksuar se nuk ka dhënë asnjë tender për Alma Kaçin dhe bashkia e Kukësit nuk ka nisur asnjë procedurë.
j.l./ dita
