Një e moshuar 65-vjeçare ka rënë pre e një mashtrimi nga një grua, e cila i ka marrë paratë dhe është larguar me shpejtësi. Pas denoncimit të të dëmtuarës në Komisariatin e Gjirokastrës, policia vendore ka identifikuar dhe arrestuar 55-vjeçaren, e cila dyshohet se i ka marrë një shumë të konsiderueshme parash të moshuarës. Burime zyrtare thanë se e ndaluara është D.M., nga Fushë-Kruja, që u lokalizua në orët e mesditës së premte.
Njëkohësisht është bërë edhe sekuestrimi si provë materiale i shumës së parave të vjedhura. E dyshuara është vënë në pranga nën akuzën, ‘mashtrim me qëllim përfitime monetare’, ndërkohë çështja po hetohet me tej nga prokuroria, për të zbardhur dinamikën.
