Avokati i familjes Durdaj, kërkoi që në gjykim të jenë të pranishëm edhe familjarët e viktimave. “Dosja nuk është ende e plotë. Ky proces do të jetë me pjesëmarrjen e familjarëve, nuk ka për të shkuar dot para pa praninë e tyre dhe nuk ka si të ndodhë ndryshe”, u shpreh avokati Dorian Matlija. Familjarët e viktimave të tragjedisë së Gërdecit, përfundimisht nuk janë pranuar si palë në gjykimin e ish-ministrit të Mbrojtjes Fatmir Mediu. “Unë nuk e konsideroj të vlefshme këtë si procedurë. Familjarët e viktimave duhet të ishin aty. Do jemi prezent edhe në seancën tjetër. Do të paraqesim kërkesat tona. Gjykimi i shkurtuar patjetër që do të pranojë kërkesën e të pandehurit. Ky proces do të jetë me pjesëmarrjen e familjarëve. Është investuar edhe Gjykata e Europiane për të drejtat e Njeriut”, këmbënguli avokati Matlija.
GJKKO s’i pranoi si palë në procesin ndaj Mediut,
Zamira Durda: SPAK duhet shkarkuar!
Zamira Durda, e cila humbi djalin e saj të vetëm 7 vjeç nga shpërthimi i Gërdecit ka folur pas vendimit të GJKKO që të kalojë dosjen për gjykim për ish-ministrin e Mbrojtjes, për akuzën e shpërdorimit të detyrës. Duke qenë se familja nuk është pranuar si palë në gjykim, Durda thotë se do të vijojë betejën e saj për drejtësi. “Duhet të shkarkohet SPAK!”, u shpreh ajo mes të tjerave, e pakënaqur nga ky verdikt paraprak. Duke qenë se familja nuk është pranuar si palë në gjykim, Durda thotë se do të vijojë betejën e saj për drejtësi. “Zamira do e vijojë betejën për drejtësi, është turp!”, u shpreh ajo, duke e kritikuar vendimin e Gjykatës së Posaçme, në dëm të palës akuzuese.
