Gjergji Priftuli, 37-vjeçari i cili përplasi me gomone në plazhin e Jalës, çiftin e pushuesve nga Tirana, ka lënë qelinë e burgut.
Gjykata e Vlorës ka caktuar “Arrest në shtëpi” ndaj 37 vjeçarit, dhe seanca u drejtua nga gjyqtari Hektor Sinanaj, ndërsa prokurore ishte Erida Visoci.
Ngjarja e rëndë ndodhi mesditën e të shtunës (16 korrik), ku 37-vjeçari Gjergji Priftuli, pasi ishte me shumë shpejtësi, humbi kontrollin e mjetit dhe përplasi dy të rinjtë që po qëndronin në breg të detit.
Agostin Sefa, 31-vjeç, po lufton për jetën në spitalin e Traumës. Mjekët thanë për mediat se ka kryer 3 ndërhyrja kirurgjikale, por ende nuk e ka kaluar rrezikun, pasi ka dëmtime të shumta në bark dhe shpinë.
