Gjykata e Lartë ka lënë në fuqi vendimin e GJKKO-së për pushimin e hetimit për ish-kreun e KED, Ardian Dvorani.
Gjykata e Posaçme vendosi pushimin e çështjes për ish-kreun KED, Ardian Dvorani, më 23 nëntor 2021, pas padisë së presidentit Ilir Meta. GJKKO pranoi kërkesën e Prokurorisë së Posaçme.
Por, pasi GJKKO vendosi të pushojë çështjes, ish-presidenti Ilir Meta vendosi që të bëjë rekurs në Gjykatën e Lartë, ndërkohë që kjo e fundit la në fuqi vendimin e Gjykatës së Posaçme Kundër Korrupsionit dhe Krimit të Organizuar.
Më 18 shkurt të vitit 2020, Presidenti i Republikës depozitoi në SPAK padinë për Dvoranin.
Meta e akuzonte për “shpërdorim detyre” dhe “përvetësimi i titullit apo i detyrës shtetërore”.
Meta u përplas me Dvoranin pas interpretimeve të ndryshme të Kushtetutës për zgjedhjen e anëtarëve të rinj të Gjykatës Kushtetuese.
Meta, asokohe president pretendoi se kreu i KED-it kishte shkelur Kushtetutën duke mos respektuar radhën e emërimeve.
Ndërkohë Dvorani dhe shumica parlamentare menduan se Meta shkeli Kushtetutën duke dekretuar Marsida Xhaferllarin si gjykatëse edhe pse kishte humbur afatin 30 ditor të përcaktuar në ligj.
j.l./ dita
