Një tjetër detaj u raportua orët e vona të mbrëmjes, në lidhje me shënjestrën e atentatit, Fatjon Muratin. I arrestuar prej tetorit të vitit të kaluar, tashmë mësohet se pak ditë më parë masa e sigurisë nga Gjykata ka ndryshuar, duke u zbutur në “arrest shtëpie”.
Në vijim pritet të zbardhet se si qëndron e vërteta dhe motivi i lehtësimit nëse konfirmohet, pasi Murati akuzohej për bazën e armatimit që u kap në muajin korrik 2022. Një tjetër detaj është se menjëherë pas lirimit, edhe pse në arrest shtëpie, dyshohet se është arratisur nga Shqipëria, nëpërmjet Kosovës, ku ka përdorur Prishtinën si qytet tranzit. Këto janë të dhëna operative dhe ende të pakonfirmuara. Murati cilësohej kohët e fundit si mik i Endrit Dokles, me të cilin dhe u kap në muajin tetot, teksa ndaj tij kishte urdhër kërkimi për armëmbajtje pa leje.
