Në Gjykatë u zhvillua sot gjyqi ndaj ish-gjyqtarit të kushtetueses Fatos Lulo, i cili është marrë i pandehur për fshehje dhe mos deklarim pasurie.
Përmes avokatit mbrojtës, Lulo i kërkoi trupit gjykues të pezullojë procesin me argumentin se i është drejtuar Komisionit të Posacëm të Apelimit që të rishikohet vendimi për shkarkimin e tij nga detyra.
Hetimet për Lulon kanë nisur pas gjetjeve të Vettingut, që kanë konkluduar se ai ka fshehur një apartament me sipërfaqe 172 m katror në rrugën e Durrësit.
Këtë kërkesë Lulo ia kërkoi Gjykatës, me argumentin se pjesë e trupit gjykues kur ai është shkarkuar nga detyra ka qenë edhe gjyqtari Luan Daci, i cili është shpallur fajtor sa i takon akuzës së falsifikimit.
Sipas tij, për shkak se Daci ka qenë pjesë e trupit gjykues, edhe vendimi ndaj tij duhet të rishikohet.
Prokuroria pretendoi se hetimet për ish-gjyqtarin Fatos Lulo kanë nisur fillimisht me indicie dhe më pas nga hetimet ka rezultuar se Lulo nuk e justifikonte dot këtë pasuri me burimin e të ardhurave. Për të gjitha këto, Prokuroria i ka kërkuar gjykatës që kjo kërkesë e Fatos Lulos, të rrëzohet e të mos merret parasysh.
Nga ana tjetër, Gjykata vendosi të shtyjë procesin për më datën 3 maj, ditë kur pritet të shprehet për kërkesën e ish gjyqtarit Lulo.
j.l./ dita
