Pas ngjarjes tragjike të ndodhur në plazhin e Potamit, ka reaguar menjëherë Drejtori i Përgjithshëm i Policisë së Shtetit, Gledis Nano.
Ai ka vendosur të përjashtojë nga radhët e policisë, drejtuesin e gomones që përplasi për vdekje fëmijën 7 vjeç, Arjan Tase, i cili ka drejtuar më parë komisariatin e Himarës ndërsa aktualisht mbante postin e shefit të policimit në Komunitet në Drejtorinë Vendore të Policisë Elbasan.
Gjithashtu është pezulluar nga detyra kreu i Drejtorisë Vendore për Kufirin dhe Migracionin Vlorë, Kryekomisar Shpëtim Hasanaliaj, ndërsa Nano ka dhënë urdhër për angazhim maksimal të të gjithë forcave të policisë për mbarëvajtjen e sigurisë në plazhet përgjatë vijës bregdetare të vendit.
Reagimi
Drejtori i Përgjithshëm i Policisë së Shtetit Gledis Nano i shpreh ngushëllimet e sinqerta familjes Avdia, për humbjen e jetës së vajzës së tyre 7-vjeçare, e cila u godit nga një mjet lundrues. Për Policinë e Shtetit keqardhja dhe përgjegjësia për këtë ngjarje është e dyfishtë, përveç se në nivel institucional, ashtu edhe në atë njerëzor, si prindër, si familjarë dhe si bashkëqytetarë të këtij vendi.
Ndërkohë, Drejtor Nano ka përjashtuar nga radhët e Policisë së Shtetit oficerin e Policisë Komisar Arjan Tase, me detyrë Shef Seksioni i Policimit në Komunitet në Komisariatin e Policisë Elbasan, i cili është arrestuar menjëherë pasi ka ndodhur ngjarja.
Oficeri i Policisë ndodhej me pushime në Himarë dhe duke drejtuar një mjet lundrues skaf, dyshohet se ka humbur kontrollin mbi drejtimin e mjetit dhe për pasojë mjeti lundrues ka goditur vajzën 7-vjeçare të familjes Avdia, e cila për shkak të plagëve të marra ndërroi jetë në vendngjarje.
Gjithashtu, Drejtori i Përgjithshëm i Policisë së Shtetit Gledis Nano ka pezulluar nga detyra, deri në zbardhjen e plotë të rrethanave të ngjarjes, Drejtorin e Drejtorisë Vendore për Kufirin dhe Migracionin Vlorë, Kryekomisar Shpëtim Hasanaliaj.
Njëkohësisht, Drejtor Nano ka urdhëruar Drejtorinë e Standardeve Profesionale, Departamentin për Kufirin dhe Migracionin dhe Departamentin për Rendin dhe Sigurinë Publike, për ngritjen e një grupi të posaçëm, për të verifikuar zbatimin e porosive të dhëna së fundi nga Drejtori i Përgjithshëm i Policisë së Shtetit, për shtimin e masave të sigurisë në zonat bregdetare.
Drejtori i Përgjithshëm i Policisë së Shtetit shpreh mbështetje dhe inkurajon grupin hetimor të Agjencisë së Mbikëqyrjes Policore, i cili nën drejtimin e Prokurorisë pranë Gjykatës së Rrethit Gjyqësor Vlorë, vijon punën për zbardhjen e plotë të rrethanave të kësaj ngjarjeje.
Është Nano ai që duhet të japë dorëheqjen i pari.
@ Dionis,
Une them qe edhe Presidenti te jape doreheqjen. Edhe ai ka pergjegjesine e vet. Perse rrin ne krye te vendit kur nuk na mbron dot?!
Po te ishte keshtu si thua ti, kryeministrat neper bote do nderroheshin cdo dy dite.
Ne keto raste pergjegjesia eshte lokale. Zoti Nano e kishte dhene urdherin. Drejtori i pezulluar nuk kishte marre masa ta zbatonte sic duhet. Ndoshta Kuvendi duhet te miratoje nje ligj me te pershtatshem per mjetet lundruese motorike. Ato duhet te konsiderohen si makina qe nuk mund te levizin jashte “rrugeve” te themi, 500 metra larg bregut. Bregut i afrohen vetem ne kalate. “Shoferet” duhet te jene me patente dhe te paguajne siguracione per aksidente te mundshme.
Po shteti kriminal mbushur me mallista dhe qeflij ofiqesh ca do presesh nga ky lloj kontigjent pushtet-kriminelesh njerzit e thjesht do vujn pasojat e kti defrimi pa kufij, madje talles. Dhe ai qe vrau mesusin per parkim eshte dhe ky qe vret nga defrimi jane pasoj e mungeses totale te shtetit per te zbatu ate ligj qe regullon jeten ne komunitet. Nuk ka fajtor tjeter pervec mungeses se shtetit ligjor. Ky lloj modeli shteti ka qellim shfarosjen e shoqeris se shendetshme eshte cdo gje e qellimshme krijimi i kaosit social qe njerzit mos fokusohen te zhvillimi po vetem te mbijetesa.
Sakte !!!
Jet ski for rent thite tabela aty ne breg…jane bere policat si me qen bejleret e turqise, vrasin presin e spyesin per njeri
Z.Nano! Jam shume i vjeter por ne trurin tim regjistrohet c’do urdher e dale nga policia qe eshte ne sherbim te komunitetit.Leri grupet e posacme dhe verja prangat personit qe beri krimin duke shkelur ligjin tend,ndryshe edhe ti je i perfshire ne krim duke zvaritur krimin qe eshte sheshit.Eno mire thote :Jep doreheqje sepse je duke vrare femije.
dyshohet se, thote raporti, ndersa Autori deklarohet fajtor dhe arrestohet, Nderkohe raporti vazhdon me idiotizma, ne rradhen e idioteve qe nuk behen kurre njerez, po degradojne ne kafshe kriminele dhe me te rrezikshem se cjane sot
Z.Nano ,ne mos gabohem je emeruar ne kete detyre pasi je trainuar ne USA.Nuk e ke mesuar qe policia,ushteria,gjykatat dhe nepunesit civile te shtetit jane robote ne zbatimin e ligjeve?Duket qe je prapa me kete mesim.Personi qe kreu krimin,une nuk e njoh ,mund te jete njeri shume i mire dhe familjar shume imire qe edhe vete e ka te qarte c’fare ka bere.Por ai ka kryer nje krim qe ndodhi ne mes te dites.Z.Nano e ke te veshtire te pranosh qe :Ligji eshte ligj.Vetem brezi juaj mund te vendose ligjin qe e do populli si ujet e paket.
Shtet funderrinash patronazhista hajdutaah. …cdo popull meriton qeverine qe ka thone te mencurit