Një peshkarexhë është mbytur natën e kaluar në ujërat e Adriatikut. ‘JOQ’ ka ndarë një video të anijes së peshkimit e cila ndaloi në det të hapur pasi u godit nga njëri prej trageteve të linjës Durrës-Bari.
Përplasja shkaktoi çarje të saj, ndërsa 3 peshkatarët, dy durrsakë dhe një egjiptian arritën të braktisin në kohë anijen ‘Eltoni”, që po fundoste në ujë, duke përdorur një zader, mjet i vogël shpëtimi.
Mësohet se peshkatarët e mbetur në det të hapur ishin Klajdi Kapxhiu, Selim Agasi dhe Muhamed, një shtetas egjiptian. Ata janë nxjerrë në breg nga forcat e policisë detare dhe raportohet se janë në gjendje të mirë shëndetësore.
Alarmi u dha nga familjarë të shqetësuar të peshkatarëve që ndodheshin në bord, pasi kishin humbur kontaktet me ta.
Pas operacionit të shpëtimit, u bë e mundur nxjerrja në kohë e peshkatarëve të anijes “Eltoni”, të cilët u dërguan për një kontroll shëndetësor në spitalin e Durrësit.
View this post on Instagram
j.l./ dita
