Një 39-vjeçar ka rënë në prangat e policisë ditën e sotme pasi ka ngacmuar seksualisht dhe dhunuar një shtetase. Mësohet se Sinan Meta, 39-vjeç pasi ka goditur me grusht vajzën me të cilën thuhet se kishte njohje ka tentuar të abuzojë seksualisht me të.
Ndërkohë mësohet se Sinan Meta ka qenë i dënuar me 20 vite burg për vrasje në Greqi.
Njoftimi i policisë Tiranë
Ngacmoi seksualisht dhe dhunoi një shtetase, kapet dhe vihet në pranga nga shërbimet e Komisariatit të Policisë Nr. 3., 39-vjeçari, i dënuar më parë për vrasje. Shërbimet e Komisariatit të Policisë Nr. 3, pas marrjes së njoftimit se në sheshin “Skënderbej”, një shtetas kishte ngacmuar seksualisht një shtetase dhe e kishte goditur atë me grushte, menjëherë kanë organizuar punën për kapjen e tij.
Brenda pak minutave, nga shërbimet e Komisariatit të Policisë Nr. 3, është bërë kapja dhe arrestimi në flagrancë i shtetasit S. M., 39 vjeç, për veprat penale “Ngacmimi seksual” dhe “Dëmtime të tjera me dashje”. Nga veprimet e mëtejshme hetimore ka rezultuar se ky shtetas, më datë 11.07.2022, në sheshin “Skënderbej”, ka goditur me grushte shtetasin A. D. dhe më pas i ka marrë me dhunë aparatin celular. Materialet i kaluan Prokurorisë, për veprime të mëtejshme procedurale.
a.m/dita
