Është grabitur me armë zjarri një bankë e nivelit të dytë në Tiranë, në zonën e ish-parkut të autobusëve.
Ngjarja ka ndodhur në “Fibank”, ku autori Bardhyl Fusha mësohet se kanë qëlluar një herë me armë, pasi në vendngjarje është gjetur 1 gëzhojë.
Autori mësohet se nuk ka arritur dot të marrë lekë, pasi është neutralizuar nga efektivët e Komisariatit nr. 2.
Sapo policët kanë mbërritur, ai mësohet t’i ketë dorëzuar çantën me kallashin brenda.
Mësohet se punonjës të shoqërisë private të ruajtjes fizike e kanë mbyllur personin në fjalë brenda derës së filalit të FIBank, duke e zënë kështu në kurth.
58-vjeçari ka tentuar të bëjë manovrën e tij, duke qëlluar një herë me armë në dysheme, por xhamat e bankës kanë qenë të blinduar, siç ndodh gjithmonë në institucione të tilla financiare.
Më pas ka qenë policia që ka bërë të mundur arrestimin e tij. Fatmirësisht nga ngjarja nuk ka pasur asnjë të lënduar. Policia ndodhet aktualisht në vendin e ngjarjes.
Njoftimi i Policisë:
Rreth orës 11:15, në Rrugën e Kavajës, shtetasi B. F., rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri, në dysheme. Nga të shtënat nuk ka shtetas të dëmtuar.
Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për tu larguar nga vendi i ngjarjes.
Autori i dyshuar është shoqëruar në Komisariat. Gjithashtu, është sekuestruar arma e zjarrit.
Në përfundim të veprimeve hetimore do të jepet informacion më i plotë për rastin.
Po ndodh në mes të Tiranës, tenton të grabisë Exchange, policia i nxjerr pistoletën
Ekskluzive/ Një tentativë grabitjeje është shënuar në mes të Tiranës, në zonën e Pallateve Delijorgji. pic.twitter.com/5MlAQBzUdV
— Euronews Albania (@EuronewsAlbania) February 12, 2026
j.l./ dita
Po pse thoni grabitet banka ? Në fakt është thjesht tentativë se grabitësi u neutralizua e u arrestua brënda 10 minutash .