Hetuesit e kryeqytetit dyshojnë se bazuar në dinamikën e ngjarjes së të shtunës në “Astir”, autori i grabitjes së pikës së këmbimit të parave nuk ka qenë i vetëm, por dyshohet se ka pasur bashkëpunëtor të brendshëm. Ka ditur për shumën e konsiderueshme të parave dhe momentin kur arka ishte plotë.
Policia tha se ka nisur verifikimet për dy punonjëset e pikës së këmbimit valutor në zonën në Tirane, e cila u grabit nën kërcënimin e armës, nga një i ri me kapele dhe maskë anti-Covid.
Dyshohet se autori ende i paidentifikuar kishte dijeni për shumën e parave që ndodheshin në pikë. Verifikimet e dy punonjësve kanë nisur me dyshimet, nëse ndonjë prej tyre ka bashkëpunuar me autorin nisur edhe nga dera që ka qenë e hapur për t’u futur autori lehtësisht në vendin ku ndodheshin paratë.
