Duke dominuar peizazhin, një strukturë masive shkëmbore, ngrihet nga toka në Spanjën jugore. Formacioni natyror duket pothuajse “njerëzor”, ngjan si profili i një fytyre që shikon drejt qiellit, ose si fillimi i një busti.
Bëhet fjalë për Antequera. Bukuria e peizazhit nuk duket se është zbehur në 6.000 vjet.
Antequera ka një përzierje të “monumenteve natyrore” të krijuara nga njeriu, por është më i njohur për megalitët e tij parahistorikë, sipas një studimi të botuar më 15 prill në revistën ‘Antiquity’.
Monumentet e krijuara nga njeriu përfshijnë tre struktura guri të ndërtuara midis mijëvjeçarit të tretë dhe të katërt para Krishtit. Antequera është një vend i trashëgimisë botërore të UNESCO-s, për shkak të këtyre ndërtimeve megalitike.
“Monumentet natyrore” përfshijnë La Peña de los Enamorados, një “gjigant i fjetur” prej guri. Ky monument i lashtë ka fshehur një sekret – deri më tani. Arkeologët sapo kanë zbuluar një varr të anashkaluar më parë: varrin megalitik ‘Piedras Blancas’. Kur shihet nga larg, varri “i ngjan gjoksit të ‘gjigantit të fjetur'”, – thanë studiuesit.
Struktura prej guri u përdor në tre faza të veçanta përgjatë një mijëvjeçari, përpara se të braktisej midis viteve 1950 dhe 1180 para Krishtit. Pllakat e gurit të varrit u rregulluan me kujdes që të përkojnë “me lindjen e diellit të solsticit veror”.
Disa nga pllakat “të gdhendura rëndë” “duket se janë vendosur saktësisht për të “gdhendur” dritën nga dielli në rritje drejt pjesës së pasme të dhomës në solsticin e verës. Një gur trekëndësh, “si shigjetë” i mbërthyer në dyshemenë e dhomës me pika balte në drejtim të diellit që po lind.
Vendndodhja e Antequera? Është rreth 285 milje në jugperëndim të Madridit.
a.q./ dita
