Erling Haaland gjithnjë e më shumë në historinë e Manchester Cityt. Norvegjezi theu një tjetër rekord me klubin anglez, duke treguar forcën dhe gjakftohtësinë e tij para portës kundërshtare. Haaland shënoi një prej golave në fitoren 3-0 ndaj West ham, që e ngjit Manchester City në krye të renditjes së Premier League. Në sezonin e parë në gadishull, 22-vjeçari shënoi golin e 35-të në kampionat për të thye kështu rekordin 28 vjeçar që mbahej nga legjenda si Alan Shearer dhe Andreë Cole.
Madje, Haaland e bën këtë brenda një kohe më të shkurtër të sfidave, duke kërcënuar thellimin e tij. Shifra të arritura pas 31 sfidash nga ana e ish-lojtarit të Dortmund, i cili në këtë sezon të Premier League ka kompletuar katër tregolësha, duke qënë pas Shearer, i cili në sezonin 1995-1996 realizoi 5 hat-trick. Përgëzime për këtë rekord ka marrë nga trajneri, Pep Guardiola, që e përkufizoj Haaland me një person unik dhe të jashtëzakonshëm.
“Është e pabesueshme ajo që ka bërë ai. Shpesh e kam zëvendësuar kur shënonte shumë, imagjino se sa mund të kishte realizuar tani. Ai është një person unik dhe krejt i veçantë. Shumë shpejt, ai do të thyejë rekordin e tij.”
Larg Haaland qëndron rekordi i Dixie Dean, që me fanellën e Evertonit shënoi 63 gola në të gjithë kompeticionet. Norvergjezi numëron 12 gola më pak kur deri në fund të sezonit kanë mbetur edhe 8 sfida, plus një finale të mundshme të Champions League nëse kalojnë Real Madrid në gjysmëfinale.
o.j/dita
