Në momentin e daljes nga Kuvendi, deputeti Erion Braçe është përplasur me protestuesit nga Memaliaj që kundërshtojnë bashkimin me Tepelenën.
Ndërsa afrohet drejt tyre, ata fishkëllejnë dhe i drejtojnë thirrje të ndryshme, ndërsa një prej tyre e spërkat me ujë.
I acaruar, deputeti shkon drejt personit që i hodhi ujë dhe aty nxehen gjakrat. Protestuesit bëhen bashkë dhe e rrethojnë duke e quajtur hajdut dhe plehrë.
Mediat e pranishme dhe protestuesit e tjerë mbajnë personin që u konfliktua ndërsa Braçen e tërheqin pas policët.
Pas banderolës së protestuesve, Braçen e pret një koleg nga ‘kampi’ kundërshtar i demokratëve, Tritan Shehu, i cili përpiqet ta ngushëllojë, por mes deputetit e protestuesve vijon një mori shkëmbimesh ‘të ndezura.’
n.s. / dita
