Në sistemin MEMEX të publikuar sot nga hakerat iranianë, ku dyshohet se përmban të dhëna konfidenciale të Policisë së Shtetit, është gjetur edhe emri dhe fotoja e këngëtarit të njohur të muzikës popullore Spartak Xhaferraj, si edhe të dhënat e tij, si datëlindja, vendi i lindjes, atësia dhe gjendja civile.
Siç duket edhe në foton e mëposhtme, uniformat blu kanë një foto të vjetër të këngëtarit Spartak Xhaferraj, i cili më së shumti është bërë i njohur për këngën e titulluar “Qejf o qejf i qerrata”.
Nuk dihen ende arsyet pse figuron emri i këngëtarit Spartak Xhaferraj në të dhënat e MEMEX.
Sistemi kompleks mbledh e përpunon informacion kriminal dhe lidhjet e personave të skeduar ose dyshuar për ngjarje ose veprimtari kriminale.
MEMEX gjithashtu ndërvepron me sistemet e tjera që operon policia si ai TIMS i cili u sulmua më herët nga hakerat iranianë.
a.m/dita
